पहिलो हाफमा श्रीलंकाविरुद्ध नेपाल १-० ले अघि  

काठमाडौं । माल्दिभ्समा जारी साफ च्याम्पियनसिप फुटबल अन्तर्गत नेपालले अहिले श्रीलंकाविरुद्ध प्रतिस्पर्धा गरिरहेको छ ।

मालेस्थित राष्ट्रिय फुटबल स्टेडियममा जारी खेलको पहिलो हाफ सकिदा नेपालले १-० गोलको अग्रता बनाएको छ ।

खेलको ३३ औं मिनेटमा सुमन लामाले गोल गर्दै नेपाललाई सुरुआती अग्रता दिलाएका हुन् ।

सुमनको यो नेपालका लागि पहिलो गोल हो ।

नेपालले दोस्रो खेलको रुपमा श्रीलंकासँग खेलिरहेको हो ।

पहिलो खेलमा नेपालले माल्दिभ्सलाई १-० ले हराएको थियो ।