टोटेनहमको संघर्षपूर्ण जित

काठमाडौं । इंग्लिस प्रिमियर लिग फुटबलमा टोटेनहमले जित निकालेको छ ।

आइतबार भएको खेलमा टोटेनहमले एस्टन भिल्लालाई २-१ गोल अन्तरले पराजित गरेको हो ।

खेलको २७ औं मिनेटमा पिएरे इमिल होब्जजर्गले गोल गर्दै टोटेनहमलाई सुरुआती अग्रता दिलाएका थिए ।

तर, खेलको ६७ औं मिनेटमा ओली वाट्कीन्सले गोल गर्दै एस्टनलाई १-१ गोलको बराबरीमा ल्याए ।

त्यसपछि खेलको ७१ औं मिनेटमा एस्टनका म्याट टार्गेटले आत्मघाती गोल गरेपछि टोटेनहमले २-१ को जित निकालेको हो ।

जितसँगै टोटेनहमले ७ खेलमा १२ अंक जोडेको छ ।

टोटेनहम आठौं स्थानमा रहेको छ ।

एस्टन १० अंक जोडेर दशौँ स्थानमा रहेको छ ।

अर्को खेलमा क्रिस्टल प्यालेस र लेस्टर सिटीले २-२ गोलको बराबरी खेलेको छ ।

ब्रेन्टफोर्डले वेस्ट ह्यामलाई २-१ ले हराएको छ ।