वाट्फोर्डका प्रशिक्षक मुनोज बर्खास्त

काठमाडौं । प्रिमियर लिग क्लब वाट्फोर्डले मुख्य प्रशिक्षक सिस्को मुनोजलाई १० महिनामै बर्खास्त गरेको छ ।

प्रिमियर लिगमा उत्कृष्ट नतिजा निकाल्न नसकेको भन्दै वाट्फोर्डले मुख्य प्रशिक्षकलाई बर्खास्त गरेको हो। 

सन् २०२० को डिसेम्बर क्लबमा आवद्ध भएका ४१ वर्षीय स्पेनिस मुनोजले वाटफोर्डलाई प्रिमियर लिगमा बढुवा गराएका थिए ।

लिगमा सात खेल खेलेको वाट्फोर्ड अहिले सात अंक सहित १४ स्थानमा छ ।

मुनोजको अन्तिम खेल गत शनिबार लिड्स युनाईटेडविरुद्धको खेल थियो जसमा वाटफोर्डले १-० को पराजय भोगेको थियो ।