बार्सिलोनामाथि एट्लेटिकोको सानदार जित

काठमाडौं । स्पेनिस ला लिगा फुटबलमा एट्लेटिको मड्रिडले बार्सिलोनालाई पराजित गरेको छ ।

शनिबार राति भएको खेलमा एट्लेटिकोले बार्सिलोनालाई २-० गोल अन्तरले पराजित गरेको हो ।

एट्लेटिकोलाई जित दिलाउन थोमस लेमार र लुइस सुआरेजले एक एक गोल गरे ।

घरेलु मैदानमा खेलको २३ औं मिनेटमा लेमारले गोल गर्दै एट्लेटिकोलाई अग्रता दिलाएका थिए ।

त्यसपछि खेलको ४४ औं मिनेटमा सुआरेजले पूर्व क्लबविरुद्ध गोल गर्दै एट्लेटिकोलाई २-० को जित दिलाए ।

यस जितसँगै एट्लेटिकोले ८ खेलमा १७ अंक जोडेको छ । एट्लेटिको दोस्रो स्थानमा उक्लिएको छ ।

बार्सिलोना १२ अंक जोडेर दशौँ स्थानमा रहेको छ ।