चेल्सी शीर्ष स्थानमा

काठमाडौं । इंग्लिस प्रिमियर लिग फुटबल चेल्सीले जित निकालेको छ ।

शनिबार राति भएको खेलमा चेल्सीले साउथह्याम्पटनलाई ३-१ गोल अन्तरले पराजित गरेको हो ।

चेल्सीको जितमा टिमो वेर्नेर, बेन चिलवाल र ट्रेभो चालोभाले एक एक गोल गरे ।

साउथह्याम्पटनका जेम्स वार्डले एक गोल फर्काए ।

खेलको ७७ औं मिनेटमा जेम्सले रातो कार्ड पाएपछि साउथह्याम्पटन १० खेलाडीमा समेटिएको थियो ।

जितसँगै चेल्सीले ७ खेलमा १६ अंक जोडेको छ । र, चेल्सी शीर्ष स्थानमा उक्लिएको छ ।

साउथह्याम्पटन ४ अंक जोडेर १७ औं स्थानमा रहेको छ ।

अर्को खेलमा आर्सनलले ब्राइटनसँग गोलरहित बराबरी खेल्दै अंक बाडेको छ ।