डर्टमण्डको जितमा हालाण्डको दुई गोल

काठमाडौं । जर्मन बुन्डेस लिगा फुटबलमा बोरुसिया डर्टमण्डले रोमान्चक जित निकालेको छ ।

शनिबार राति भएको खेलमा डर्टमण्डले बायर लिभरकुसेनलाई ४-३ गोल अन्तरले पराजित गरेको हो ।

लिभरकुसेनको मैदानमा अर्लिङ हालाण्ड चम्किएपछि डर्टमण्डले जित निकालेको हो ।

हालाण्डले दुई गोल गरे । यस्तै जुलियन ब्रान्ट र राफायल गुइरिएरोले एक एक गोल गरे ।

लिभरकुसेनका प्याट्रिक सिक, फ्लोरिन विर्ट्ज र मोउसा डियाबेले एक एक गोल गरे ।

यस जितसँगै डर्टमण्डले ४ खेलमा ९ अंक जोडेको छ ।

डर्टमण्ड तेस्रो स्थानमा रहेको छ ।

लिभरकुसेन ७ अंक जोडेर छैटौं स्थानमा रहेको छ ।