निकोला वेस्ट ह्याममा

काठमाडौं । इंग्लिस क्लब वेस्ट ह्याम युनाईटेडले क्रोएसियाका मिडफिल्डर निकोला भ्लासिचलाई अनुबन्ध गरेको छ ।

प्रिमियर लिग क्लबले निकोलालाई सीएसकेए मस्कोबाट अनुबन्ध गरेको हो ।

निकोलाले वेस्ट ह्यामसँग पाँच वर्षको सम्झौता गरेका छन् ।

२३ वर्षीय निकोला २०१९ मा एभर्टनबाट मस्को आएका थिए ।

मस्कोका लागि उनले ३३ गोल र २१ असिस्ट गरेका छन् ।

क्रोएसियाका लागि उनले २६ खेलमा ६ गोल गरेका छन् ।