जोशीको सालिक अनावरण

काठमाडौं । नेपाल ओलम्पिक कमिटी (एनओसी) को मुख्यालयमा नेपाली खेलकुदका प्रथम अन्तर्राष्ट्रिय धावक गजराज जोशीको अर्धकदको सालिक अनावरण गरिएको छ।

नेपाली खेलकुदमा पुर्राएको योगदानको कदर गर्दै जोशीको सालिक राखिएको हो। सालिक ओलम्पिक भवनको भुईतल्लामा नेपाल ओलम्पिक संग्राहलय अगाडि रहेको छ।

एनओसीका अध्यक्ष जीवनराम श्रेष्ठले मंगलबार एक कार्यक्रमबीच जोशीको अर्धकदको सालिक अनावरण गरे।

जोशी नेपाली खेलकुदको इतिहासमा अन्तर्राष्ट्रिय सहभागिता जनाउने क्रममा पहिलो पुस्ताका खेलाडी हुन्।

नेपाली खेलकुदमा उहाँले पुर्‍याउनु भएको अतुलनीय योगदानका लागि नेपाल खेलकुद पत्रकार मञ्चले ‘लाइफ टाइम एचिभमेन्ट अवार्ड’ समेत प्रदान गरिसकेको छ ।

जोशीले सन् १९५१ मा भारतको नयाँ दिल्लीमा भएको पहिलो एसियाली खेलकुदमा सहभागिता जनाएका थिए।

सैनिक जवान अवस्थामा नेपालको प्रतिनिधित्व गरी दक्षिण एसियाली खेलकुदमा सहभागी टिमका एक सदस्यमा उनी थिए।

उहाँले दौड स्पर्धामा सहभागीता जनाउनु भएको थियो । उहाँले महावीर र एनआटीबाट फुटबल पनि खेलेका थिए। जोशीका खेल व्यक्तित्व मात्र नभएर त्यसका धेरै फरक फरक आयाम पनि रहेका छन्।

सालिक अनावरण गर्दै श्रेष्ठले नेपाली खेलकुदले पुराना खेलाडीलाई सम्झनु पर्ने बताए।

यस्तै कार्यक्रममा कमिटीका महासचिव निलेन्द्रराज श्रेष्ठ र टोखा नगरपालिकाका मेयर प्रकाश अधिकारीले नेपाली खेलकुदमा जोशीको योगदानबारे चर्चा गरेका थिए।

कार्यक्रममा कमिटीका उपाध्यक्ष तथा कार्यकारी निर्देशक चतुरानन्तराज बैद्यलगायत अन्य प्रमुख पदाधिकारीको उपस्थित थियो।