लेविन इंग्ल्यान्डको टिम बाहिर

काठमाडौं । स्ट्राइकर डोमिनिक काल्भर्ट लेविन इंग्ल्यान्डको टिमबाट बाहिरिएका छन् ।

चोटको कारण एभर्टनका स्ट्राइकर लेविन इंग्ल्यान्डको टिमबाट बाहिरिएका हुन् ।

२४ वर्षीय स्ट्राइकरको थाइ इन्जुरी भएको इंग्ल्यान्ड एफएले जनाएको छ ।

प्रिमियर लिग अन्तर्गत शनिबार ब्राइटनविरुद्धको खेलमा उनले चोट बोकेका थिए । उक्त खेलमा एभर्टनले २-० को जित निकालेको थियो ।    

अब लेविनले फिफा विश्वकप छनोटका खेलहरु गुमाउने छन् ।

 इंग्ल्यान्डले बिहीबार हंगेरीसँग खेल्दैछ । यस्तै आइतबार एन्डोरासँग वेम्बलीमा खेल्दा आगामी बुधबार पोल्याण्डसँग खेल्ने तालिका रहेको छ ।

लेविनले इंग्ल्यान्डको लागि ११ खेलमा ४ गोल गरेका छन् ।