एमयूएफसी विजय चोकसँग सफ्टनेपको सहकार्य  

काठमाडौं । एमयूएफसी विजय चोक युथ क्लब र आइटी कम्पनी सफ्टनेपबीच सहकार्य भएको छ।

'सी' डिभिजन लिग छनौट खेल्न लागेको एमयूएफसीसँग सफ्टनेप 'टेक्नोलोजी पार्टनर' को रुपमा जोडिएको हो।

सफ्टनेप नेपालको शीर्ष आईटी कम्पनी हो। सफ्टनेपले वेबसाइट डिजाइन र होस्टिङ लगायतका कामहरु गर्दै आईरहेको छ।

इङ्लिस प्रिमियर लिग क्लब म्यानचेस्टर युनाईटेडको नेपाली समर्थकको समूह एमयूएफसी नेपाल र विजय चोक युथ क्लबले सहकार्य गर्दै सी छनौट खेल्न लागेका हुन्।

एमयूएफसी छनौटको समूह 'एल' मा रहेको छ।

छनौट प्रतियोगितामा ७८ क्लबले प्रतिस्पर्धा गरिरहेका छन् । 

'सी' छनौटबाट तीन टिम 'सी' डिभिजनमा बढुवा हुनेछन् ।