जुगल हिमाल वाल क्लाइम्बिङ प्रतियोगिता हुने

काठमाडौं । पहिलो संस्करणको जुगल हिमाल ओपन वाल क्लाइम्बिङ प्रतियोगिता आयोजना हुने भएको छ ।

पासाङ ल्हामु वाल क्लाइम्बिङ सेन्टरको आयोजनामा हुने प्रतियोगिता आगामी सेप्टेम्बर २६ र २७ गते हुनेछ ।

प्रतियोगिता काठमाडौंको धुम्बाराहीस्थित पासाङ ल्हामु क्लाइम्बिङ सेन्टरमा आयोजना हुनेछ ।

प्रतियोगितामा महिला र पुरुष दुबैले सहभागिता जनाउन पाउने छन् ।

प्रतियोगितामा लिड र टप रोप गरि दुई स्पर्धामा प्रतिस्पर्धा हुनेछ ।

लिडतर्फको विजेताले २५ हजार, उपविजेताले १५ हजार र तेस्रोले १० हजार नगद पुरस्कार पाउने छन् ।

टप रोपको विजेताले १५ हजार, उपविजेताले १० हजार र तेस्रोले ५ हजार पाउने छन् ।