निशान र अनिश आईलिग क्लब पन्जाबमा आबद्द

काठमाडौं । प्रशिक्षक निशान श्रेष्ठ र फिजियो अनिश बुढाथोकी भारतीय आईलिग क्लब मिनेर्वा पन्जाबमा आबद्द भएका छन् ।

प्रशिक्षक श्रेष्ठ सिनियर टिमको सहायक प्रशिक्षक र बुढाथोकी टिम फिजियोको रुपमा भारतीय क्लबमा आबद्द भएका हुन् ।

श्रेष्ठ र बुढाथोकी पन्जाब समेत पुगिसकेका छन् ।

प्रशिक्षक श्रेष्ठले क्लबसँगको पेपर वर्कको काम भईरहेको र केहि दिनमा औपचारिक सम्झौता हुने बताए ।

श्रेष्ठले मछिन्द्र फुटबल क्लबको सहायक प्रशिक्षकको रुपमा काम गरिसकेका छन् ।

यस्तै नेपाल सुपर लिगमा श्रेष्ठ विराटनगर सिटी एफसीको सहायक प्रशिक्षक रहेका थिए ।

बुढाथोकीले मनाङ मर्स्याङ्दी क्लबका फिजियोको रुपमा काम गरिसकेका छन् ।

नेपाल सुपर लिगमा उनी विराटनगरकै टिम फिजियो रहेका थिए ।