विलीले क्रोएसियासँगको खेल गुमाउने

एजेन्सी । स्कटल्याण्डका मिडफिल्डर विली गिल्मोरलाई कोरोना भाईरसको संक्रमण देखिएको छ ।

स्कटिस एफएले सोमबार मिडफिल्डर विलीलाई कोरोना पोजेटिभ देखिएको जनाएको छ ।

कोरोना संक्रमण भएपछि उनी १० दिनको सेल्फ आईसोलेसनमा बसेको बताईएको छ ।

कोरोना देखिएपछि उनले क्रोएसियाविरुद्ध हुने समूह चरणको अन्तिम खेल गुमाउने भएका छन् ।

स्कटिसले मंगलबार क्रोएसियासँग खेल्नेछ ।

चेल्सीका मिडफिल्डर विलीले इंग्ल्यान्डविरुद्ध उत्कृष्ट खेलेका थिए ।

इंग्ल्यान्डलाई गोलरहित बराबरीमा रोक्दा विली स्टार अफ द म्याच चुनिएका थिए ।