पेयपदार्थको बोतल हटाउने खेलाडीलाई जरिवाना गरिने

एजेन्सी । यूईएफएले युरोकप फुटबल अन्तर्गत खेलपछिको पत्रकार सम्मेलनको क्रममा स्पोन्सरले राखेको पेयपदार्थको बोतल नहटाउन टिम र खेलाडीलाई आग्रह गरेको छ ।

यूईएफएले स्पोन्सरको बोतल हटाएमा खेलाडी र टिमलाई जरिवाना तिराउने चेतावनी समेत दिएको छ ।

पछिल्लो पटक खेलाडीहरुले स्पोन्सरको बोतल हटाउन थालेपछि यूईएफएले चेतावनी दिएको हो ।

सोमबार पोर्चुगलका कप्तान क्रिस्टियानो रोनाल्डोले कोकाकोलाको बोतल हटाएर पानी खान आग्रह गरेका थिए ।

यस्तै फ्रान्सका पाउल पोग्बाले हेनेकेन बियरको बोतल हटाएका थिए ।

इटालीका म्यानुएल लोकाटेलीले समेत कोकाकोला हटाएर पानी राखेका थिए ।