उल्भ्सका प्रशिक्षक नुनोले क्लब छाड्ने

एजेन्सी । प्रिमियर लिग क्लब उल्भ्सका मुख्य प्रशिक्षक नुनो सान्टोले क्लब छाड्ने भएका छन् ।

पोर्चुगिज प्रशिक्षक नुनोले यस सिजनको अन्त्यसँगै क्लब छाड्ने भएका हुन् ।

क्लबसँगको आपसी समझदारीमा नुनोले क्लब छाड्न लागेका हुन् ।

पूर्व गोलकिपर समेत रहेका नुनो सन् २०१७ मा उल्भ्सको मुख्य प्रशिक्षक नियुक्त भएका थिए ।

४७ वर्षीय नुनोकै नेतृत्वमा उल्भ्स प्रिमियर लिगमा बढुवा भएको थियो ।

नुनोले गत सेप्टेम्बरमा २०२३ सम्म क्लबमा रहने गरि सम्झौता नवीकरण गरेका थिए । तर, सम्झौता नसकिदै उनले क्लब छाड्न लागेका हुन् ।

उल्भ्सले यस सिजनको अन्तिम खेलमा आइतबार म्यानचेस्टर युनाईटेडसँग खेल्नेछ ।