पहिलो हाफमा धनगढीमाथि काठमाडौंको अग्रता

काठमाडौं । नेपाल सुपर लिग (एनएसएल) को उपाधिका लागि अहिले काठमाडौं रेजर्स एफसी र धनगढी एफसीबीच प्रतिस्पर्धा भईरहेको छ ।

त्रिपुरेश्वरस्थित दशरथ रंगशालामा जारी खेलको पहिलो हाफ सकिएको छ । पहिलो हाफ सकिदा काठमाडौंले १-० को अग्रता बनाएको छ ।

खेलको २१ औं मिनेटमा मेसौके ओलोमोउले गोल गर्दै काठमाडौंलाई अग्रता दिलाएका हुन् । विश्वास श्रेष्ठले धनगढीका मिडफिल्डर विशाल राईबाट बल खोस्दै अगाडी बढाएर उपलब्ध गराएको बलमा मेसौकेले उत्कृष्ट गोल गरे ।

यससँगै मेसौकेले लिगमा आफ्नो आठौं गोल पूरा गरेका छन् । उनी प्रतियोगिताको सर्वाधिक गोलकर्ताको शीर्ष स्थानमा रहेका छन् ।

आज दुबै टिम उपाधि जित्ने लक्ष्यमा रहेका छन् ।

प्रतियोगिताको विजेताले ३५ लाख पाउने छन् । उपविजेता टोलिले १५ लाख पाउने छन् ।

व्यक्तिगत विधातर्फ उत्कृष्ट हुने खेलाडीले जनही १ लाख पाउने आयोजकले जनाएको छ ।

त्यस्तै प्रतियोगिताको उत्कृष्ट युवा खेलाडीले १ लाख पाउने छन् ।

नेपाल स्पोर्टस म्यानेजमेन्टले आयोजना गरेको पहिलो संकरणको लिगमा ७ फ्रेन्चाइज टिमको सहभागिता रहेको थियो ।