लाजियोमाथि नापोलीको जित

एजेन्सी । इटालियन सिरी 'ए' फुटबलमा नापोलीले जित निकालेको छ ।

बिहीबार राति भएको खेलमा नापोलीले लाजियोलाई ५-२ गोल अन्तरले पराजित गरेको हो ।

नापोलीलाई जित दिलाउन लोरेन्जो इन्सिग्नेले दुई गोल गरे ।

यस्तै माटियो पोलीटानो, ड्रिएस मेर्टेन्स र भिक्टर ओसीम्हेनले एक एक एक गोल गरे ।

लाजियोका सिरो इम्मोबाइल र सेर्जिज साभिकले एक एक गोल फर्काए ।

यस जितसँगै नापोलीले ३२ खेलमा ६३ अंक जोडेको छ ।

नापोली लिगको पाँचौं स्थानमा रहेको छ ।

लाजियो ५८ अंक जोडेर छैटौं स्थानमा रहेको छ ।