काठमाडौं । नेपाल क्रिकेट संघ (क्यान) को आयोजनामा प्रदेश-१ मा 'हाइ पर्फमेन्स क्रिकेट क्लिनिक' सम्पन्न भएको छ ।
राष्ट्रिय खेलकुद परिषद (राखेप) सँगको सहकार्यमा आयोजना गरिएको चार दिने क्रिकेट क्लिनिक शनिबार सम्पन्न भएको क्यानले जनाएको छ ।
क्रिकेट क्लिनिकमा खेलाडी, प्रशिक्षक तथा संघका पदाधिकारीको उपस्थिति रहेको थियो ।
क्रिकेट क्लिनिकमा सहभागीलाई राष्ट्रिय टिमका मुख्य प्रशिक्षक देभ वाटमोरले प्रशिक्षण दिएका थिए ।
क्यानले सातै प्रदेशमा क्रिकेट क्लिनिकको आयोजना गर्ने योजना अनुसार सुरुवातमा प्रदेश-१ मा आयोजना गरेको हो ।
