लिगको खेलाडी दर्ता समय आज सकिदै

काठमाडौं । आगामी असोज १३ गते सुरु हुने ए डिभिजन लिगको खेलाडी दर्ताको समय आज सकिदै छ । अखिल नेपाल फुटबल संघ एन्फाले खेलाडी दर्ताकालागि दिएको अन्तिम समयसिमा आज सकिन लागेको हो ।

करिब ४ बर्षपछि हुन लागेको ए डिभिजन लिगकालागि एन्फाले भदौ ३० गतेसम्म खेलाडी दर्ता गर्ने समय निर्धारण गरेको थियो । तर खेलाडीको बिमा, मेडिकल लगायतका विभिन्न प्रक्रिया पुरा गर्न समय लाग्ने भएकाले एन्फाले थप गरेको थियो ।

एन्फाले पहिलो पटक खेलाडीको दर्ता अनलाईनमार्फत सुरु गरेको हो । पहिलो चरणमा कम्तिमा १८ खेलाडी क्लबहरुले दर्ता गर्नुपर्नेछ । क्लबहरुले यसपटक ४ विदेशी कोटामा एक दक्षिण एशियाली खेलाडी अनिवार्य गरेको छ ।

खेलमा क्लबहरुले तीन विदेशी खेलाडी उतार्न पाउनेछ ।