फ्रेन्चाइज टिम बीसीएफसीले विराटनगरमा तयारी गर्ने

काठमाडौं । नेपाल सुपर लिग (एनएसएल) को फ्रेन्चाइज टिम विराटनगर सिटी फुटबल क्लब (बीसीएफसी) ले प्रि सिजनको तयारी विराटनगरमा आयोजना गर्ने भएको छ ।

बीसीएफसीले मंगलबार एक विज्ञप्ति निकाल्दै टिमको प्रि-सिजन प्रशिक्षण विराटनगरमा गरिने जनाएको छ ।

बीसीएफसीले विराटनगरमा १० दिन प्रशिक्षण गर्नेछ । जसमा स्थानीय खेलाडीहरु समेत सामेल हुनेछन् ।

नेपाल स्पोर्टस म्यानेजमेन्टले आयोजना गर्ने पहिलो संकरणको लिगमा ७ फ्रेन्चाइज टिमको सहभागिता रहेको छ ।

त्रिपुरेश्वरस्थित दशरथ रंगशालामा आयोजना हुने लिग बैशाख ११ गतेदेखि २५ गतेसम्म सञ्चालन हुनेछ ।

बीसीएफसीले राष्ट्रिय फुटबल टिमका सदस्य तथा डिफेन्डर रञ्‍जित धिमाललाई मार्की खेलाडीको रुपमा अनुबन्धित गरिसकेको छ ।

यस्तै अक्सनबाट खेलाडी समेत छनोट गरिसकेको छ ।