एजेन्सी । दक्षिण अफ्रिका क्रिकेटले अनुभवी खेलाडी तथा पूर्व कप्तान फाफ डु प्लेसिसलाई सन् २०२१-२०२२ को सेन्ट्रल कन्ट्रयाक्टबाट बाहिर राखेको छ ।
दक्षिण अफ्रिकाले सार्वजनिक गरेको १६ सदस्यीय खेलाडीको सेन्ट्रल कन्ट्रयाक्टमा फाफ डु प्लेसिस परेका छैनन् ।
फाफ डु प्लेसिसको स्थानमा हेन्रिच क्लासेनले सेन्ट्रल कन्ट्रयाक्ट पाएका छन् ।
३६ वर्षे फाफ डु प्लेसिसले गत महिना टेस्ट र टी-ट्वान्टी क्रिकेटको कप्तानीबाट राजिनामा दिएका थिए ।
उनले टेस्ट क्रिकेटबाट सन्यासको घोषणा समेत गरिसकेका छन् ।
दक्षिण अफ्रिकाले यसपटक युवा खेलाडीमा भरोसा गरेको छ ।
दक्षिण अफ्रिका क्रिकेटले टेम्बा बावूमा, क्विंटन डि कक, हेन्रिच क्लासेन, डीन एल्गर, ब्यूरेन हेडरिक्स, रीजा हेडरिक्स, केशव महाराज, एडेन मार्कराम, डेविड मिलर, लुंगी नेग्दी, एनरिच नार्जे, एडिल फेहलुक्वायो, ड्वेन प्रिटोरियस, कागिसो राबडा, तबरेज शामी र रासी भान डेर डुसेनलाई नयाँ सेन्ट्रल कन्ट्रयाक्टमा राखेको छ ।
यस्तै महिलातर्फ तृषा शेट्टी, नेडाइन डि क्र्ल्क, लारा गुडअल, मिगनोन डु प्रीज, शबनम इस्माइल, सिनालो जाफटा, मरिजाने क्याप, आयाबोगा खाका, मसाबाता क्लस, लिजेले ली, सुने लुस, तुमी एस, चोले ट्रायोन, डेन वान नीकर्क र लोरा वोल्वार्ट रहेका छन् ।
-1737033585.jpeg)
