वेस्टर्न रुपन्देही सुपर लिगको सेमिफाइनलमा

रुपन्देही । वेस्टर्न क्रिकेट क्लब रुपन्देहीमा जारी एनटीसी रुपन्देही सुपर लिगको सेमिफाइनलमा प्रवेश गरेको छ ।

आइतबार भएको खेलमा जीआर क्रिकटे क्लबलाई ९८ रनले पराजित गर्दै समूह बीबाट प्रतियोगिताको सेमिफाइनलमा प्रवेश गरेको हो ।

वेस्टर्नको जितका लागि हरजीत सिंह र उत्सव श्रेष्ठले अर्धशतकीय पारी खेले । हरजीतले ११० बलमा पाँच चौका सहित ५९ रन बनाएका हुन् । यता उत्सवले ८२ बलमा पाँच चौका र एक छक्का सहित ५० रन जोडे ।

राहुल कुमारले २१, अजय कौसल्याले १४, देभ खनालले १३ र एकेन्द्र कुमारले १० रन जोड्न बाहेक अन्य ब्याट्सम्यानले दोहोरो अंकमा रन छुन सकेनन् ।

बलिङतर्फ भिरज सिंहले ४ विकेट लिए । त्यस्तै सिद्धान्त शाहीले २ दुई विकेट लिए ।

वेस्टर्नले दिएको २ सय २ रनको लक्ष्य पछ्याएको जीआरले २९.५ ओभरमा सकै विकेट गुमाउँदै मात्र १०३ रन बनाउन सक्यो ।

जीआरका लागि अर्जुन गिरीले सर्वाधिक ३० रन जोडे । त्यस्तै नरेश चन्द ठकुरीले २८, धिरज शाहीले १६ र सिद्धान्त शाहीले १२ रन जोड्ना बाहेक अन्य ब्याट्सम्यानले दोहोरो अंकमा रन बटुल्न सकेनन् ।

बलिङतर्फ सन्देश थापा र कमल थापाले समान ३–३ विकेट लिए । त्यस्तै राहुल कुमारले २ र बिबेक प्रजापतिले १ विकेट लिए ।