काठमाडौं । पहिलो संस्करणको काठमाडौं मेयर कप एकदिवसीय पुरुष क्रिकेट प्रतियोगितामा आज दुई खेलहरु हुँदैछ ।
टियु क्रिकेट मैदानमा हुने खेलमा दुई विभागीय टिम एपीएफ क्लब र नेपाल पुलिस क्लबबीच प्रतिस्पर्धा हुनेछ ।
आज दुबै टिम लगातार दोस्रो जित निकाल्ने लक्ष्यसहित मैदान उत्रने छन् ।
पहिलो खेलमा एपीएफले त्रिभुवन आर्मी क्लबलाई १ विकेटले हराएको थियो ।
पुलिसले भने बागमती प्रदेशलाई २ रनले हराएको थियो ।
यस्तै मुलपानी क्रिकेट मैदानमा हुने खेलमा बागमती प्रवेश र काठमाडौं मेयर-११ बीच खेल हुनेछ ।
बागमती पहिलो जितको खोजीमा हुनेछ ।
काठमाडौं मेयर-११ भने सुखद सुरुवात गर्ने लक्ष्यमा हुनेछ ।
काठमाडौं मेयर-११ को यो पहिलो खेल हो ।
प्रतियोगितामा ५ टिमले प्रतिस्पर्धा गरिरहेका छन् ।
राउण्ड रोबिनको आधारमा हुने प्रतियोगिताको शीर्ष दुई टिमले उपाधिको लागि खेल्ने छन् ।
प्रतियोगिताको विजेताले ५ लाख र उपविजेता टिमले ३ लाख पाउने छन् ।
प्रतियोगिताको सर्वोत्कृष्ट खेलाडीले ५० हजार प्राप्त गर्नेछ । उत्कृष्ट ब्याट्सम्यान र बलरले २५/२५ हजार पाउने छन् ।
