काठमाडौं । प्लाई तानसेन तथा एनजीजीसीको आयोजनामा ‘ब्ल्याक बक खुला क्लब क्रिकेट प्रतियोगिता’ हुने भएको छ ।
आयोजकले मंगलबार पत्रकार सम्मेलन गर्दै प्रतियोगिता चैत्र ११ गतेबाट सुरु हुने जनाएको छ ।
कीर्तिपुर आयोजना हुने प्रतियोगिता टी-ट्वान्टी फर्म्याटको हुनेछ ।
नकआउटका आधारमा आयोजना हुने प्रतियोगितामा देशभरका विभिन्न शहरका करिब २० टिमको सहभागिता रहने प्रतियोगिता संयोजक सुमन डाँगीले जानकारी गराए ।
प्रतियोगिताको विजेता टोलिले ५० हजार रुपैयाँ, उप-विजेताले २५ हजार रुपैयाँ पाउनेछन् ।
यस्तै प्रतियोगिताको उत्कृष्ट खेलाडीले १० हजार रुपैयाँ, उत्कृष्ट ब्याट्सम्यान र बलरले समान ५ हजार रुपैया तथा प्रत्येक खेलको प्लेयर अफ द म्याचले १ हजार रुपैयाँ प्राप्त गर्नेछन् ।
