काठमाडौं । दिवंगत क्रिकेटर कुन्दन सिंह र विशाल गुप्ताको स्मृतिमा जिल्ला अन्तर पालिका स्तरीय क्रिकेट प्रतियोगिता आयोजना हुने भएको छ ।
जिल्ला क्रिकेट संघ महोत्तरीले शनिबार पत्रकार सम्मेलन गर्दै कुन्दन र विशालको स्मृतिमा चैत २२ गतेबाट प्रतियोगिता हुने जानकारी गराएको छ ।
जलेश्वर रंगशालामा आयोजना हुने प्रतियोगितामा महोत्तरी जिल्ला भरीका १५ वटै नगरपालिका तथा गाउँपालिकालाई समावेश गराउने लक्ष्य रहेको संघका अध्यक्ष रोशन कुमार सिंहले जानकारी दिए ।
प्रतियोगिता ५० ओभरको हुनेछ ।
प्रतियोगिताको विजेताले नगद १ लाख १ हजार पाउने छ । उपविजेता टोलीले ५१ हजार पाउनेछ ।
प्लेयर अफ दि सिरिजले २० हजार, बेस्ट ब्याट्सम्यान र बेस्ट बलरले १० हजार प्राप्त गर्दा इमर्जिङ प्लेयरले १५ हजार पाउने छन् ।
