काठमाडौं । भारतीय बलर रंगनाथ विनय कुमारले अन्तराष्ट्रिय क्रिकेटबाट सन्यास घोषणा गरेका छन् ।
३७ वर्षीय बलर विनयले शुक्रबार सामाजिक संजालबाट अन्तराष्ट्रिय र पहिलो श्रेणीको क्रिकेटबाट सन्यास घोषणा गरेका हुन् ।
तीव्र गतिका बलर विनयले भारतका लागि १ टेस्ट, ३१ एकदिवसीय र ९ टी-ट्वान्टी अन्तराष्ट्रिय खेलेका छन् ।
रणजी ट्रफीमा उनले कर्नाटकाबाट सर्वाधिक धेरै खेलेका थिए । उनले दुई पटक टिमको कप्तानी समेत गरेका थिए ।
इन्डियन प्रिमियर लिग (आईपीएल) मा भने उनले कोलकत्ता नाइटराइडर्सबाट खेलेका थिए ।
