एपीएफको जितमा सावित्राको ६ गोल

काठमाडौं । राष्ट्रिय महिला लिग फुटबलमा शीर्ष स्थानको एपीएफले अपराजित यात्रालाई कायम राखेको छ ।

सातदोबाटोस्थित एन्फा कम्प्लेक्समा बुधबार चन्द्रपुर नगरपालिकालाई ८-० गोलले पराजित गर्दै एपीएफको जितको यात्रालाई कायम राखेको हो ।

एपीएफको जितमा स्टार स्ट्राइकर सावित्रा भण्डारीले ह्याट्रिकसहित ६ गोल गरिन् । यस्तै कप्तान अनिता बस्नेतले २ गोल गरिन् ।

रौतहटको चन्द्रपुरविरुद्ध एपीएफले पहिलो मिनेटमै अग्रता बनाएको थियो ।

कप्तान अनिताले सावित्राले मिलाएको पासमा गोल गरेकी थिइन् ।

खेलको छैटौं मिनेटमा सावित्राले गोल गर्दै टोलीलाई २-० को अग्रता दिलाईन् । सावित्राले एकल प्रयासमा एक डिफेण्डर र गोलरक्षक युनिशा राईलाई बिट गर्दै गोल गरेकी हुन् ।

खेलको ३२ औं मिनेटमा सावित्राले व्यक्तिगत दोस्रो गोल गरेपछि पहिलो हाफमा एपीएफ ३-० ले अघि रह्यो । सावित्राले पेनाल्टी क्षेत्रको बाहिरबाट फ्रिकिकमा गोल गरिन् ।

दोस्रो हाफमा एपीएफले थप पाँच गोल गर्यो ।

खेलको ४७ औं मिनेटमा सावित्राले व्यक्तिगत तेस्रो गोल गर्दै ह्याट्रिक पुरा गर्दै एपीएफलाई ४-० को अग्रता दिलाईन् ।

५४ औं मिनेटमा अनिताले व्यक्तिगत दोस्रो गोल गरेपछि एपीएफको अग्रता ५-० को बन्यो ।

खेलको ६० औं मिनेटमा सावित्राले चौंथो गोल गर्दा एपीएफले ६-० को अग्रता बनायो ।

खेलको ६२ औं मिनेटमा सावित्राले व्यक्तिगत पाँचौ गोल गर्दा एपीएफ ७-० ले अघि रह्यो ।

त्यसपछि खेलको ७९ औं मिनेटमा सावित्राले व्यक्तिगत छैटौं गोल गर्दा एपीएफले ८-० को सहज जित निकाल्यो ।

लिगमा एपीएफको यो आठौं जित हो । जितसंगै एपीएफले ८ खेलमा २४ अंक जोडेको छ ।

यो जितले एपीएफको उपाधि होड समेत बलियो बनेको छ ।

चन्द्रपुरले ८ खेलमा ६ अंक जोडेको छ । चन्द्रपुर लिगको छैटौं स्थानमा रहेको छ ।

लिग अन्तर्गत बिहीबार दुई खेल हुनेछ । पहिलो खेलमा चौदण्डीगढीले वालिङको सामना गर्नेछ ।

त्यस्तै दोस्रो खेलमा आर्मीले विराटनगरसँग प्रतिस्पर्धा गर्नेछ ।

के भन्छन् प्रशिक्षक ?

एपीएफको मुख्य प्रशिक्षक भगवती थापाले दोस्रो हाफमा खेलाडीले राम्रो प्रदर्शन गरेको बताईन् ।

'गोल अनुसार प्रदर्शन राम्रो हो । पहिलो हाफमा मिडफिल्डरले बल पोसेसन राख्न सकेनन् । तालमेल भैरहेको थिएन । त्यसैले डिफेन्समा दबाब पनि भयो,' उनले भनिन्, 'दोस्रो हाफमा राम्रो भयो ।'

चन्द्रपुरका मुख्य प्रशिक्षक नुरराज काफ्लेले बाँकी रहेको खेलमा राम्रो प्रदर्शन गर्ने बताए ।

'पहिलो हाफ राम्रै खेलेको हो । दोस्रो हाफमा मिडफिल्डरबाट पोसेसन खोसिएको जस्तो भयो । हाम्रो चौंथो र पाँचौ फिक्स हुन्छ । बाकी ४ मा दुई खेल जित्ने हाम्रो लक्ष्य छ,' उनले भने ।

एपीएफको मुख्य प्रशिक्षक भगवती थापाले दोस्रो हाफमा खेलाडीले राम्रो प्रदर्शन गरेको बताईन् ।

'गोल अनुसार प्रदर्शन राम्रो हो । पहिलो हाफमा मिडफिल्डरले बल पोसेसन राख्न सकेनन् । तालमेल भैरहेको थिएन । त्यसैले डिफेन्समा दबाब पनि भयो,' उनले भनिन्, 'दोस्रो हाफमा राम्रो भयो ।'

चन्द्रपुरका मुख्य प्रशिक्षक नुरराज काफ्लेले बाँकी रहेको खेलमा राम्रो प्रदर्शन गर्ने बताए ।

'पहिलो हाफ राम्रै खेलेको हो । दोस्रो हाफमा मिडफिल्डरबाट पोसेसन खोसिएको जस्तो भयो । लिगमा हाम्रो चौंथो र पाँचौ स्थान पक्का हुन्छ । बाकी ४ मा दुई खेल जित्ने हाम्रो लक्ष्य छ,' उनले भने ।