कतारमा बिक्रमको सफल शल्यक्रिया

काठमाडौं । राष्ट्रिय फुटबल टिमका मिडफिल्डर बिक्रम लामाको खुट्टाको सफल शल्यक्रिया भएको छ ।

थ्री स्टार क्लबका कप्तान समेत रहेका लामाको कतारस्थित अस्पेटार अस्पतालमा सफल शल्यक्रिया भएको हो ।

थ्री स्टार क्लबले सामाजिक संजालबाट बिक्रमको शल्यक्रिया सफल भएको जनाएको छ ।

बिक्रमको दुई वर्ष अघि दाहिने खुट्टा भाचिएको थियो । त्यसपछि उनको खुट्टामा सपोर्ट राखिएको थियो ।

त्यहिँ सपोर्टमा समस्या आएपछि उनको फेरी शल्यक्रिया गरिएको हो । शल्यक्रिया ९० मिनेट चलेको थियो ।

बिक्रम अखिल नेपाल फुटबल संघ एन्फाको सहयोगमा शल्यक्रियाको लागि कतार गएका हुन् ।

बिक्रमसंगै फरवार्ड विमल घर्ति मगर पनि कतार गएका थिए ।

विमलको शल्यक्रिया केहि दिन पछि गरिने छ ।