ढाका । नेपाली राष्ट्रिय टोलीका गोलकिपर किरण चेम्जोङले बुधबार हुने साफ च्याम्पियनसिपको सेमिफाइनलमा माल्दिभ्सलाई हराएर नेपालले फाइनल खेल्ने बताएका छन् ।
माल्दिभ्ससंगको खेलअघि कुरा गर्दै किरणले घरेलु र उत्कृष्ट टिम बंगलादेशलाई हराएको बताउदै नेपालले माल्दिभ्सलाई हराउने बताए ।
किपर किरणले भने, 'हामी तयारी छौं भोलीको खेलको लागि । पक्कै पनि राम्रो खेल्दै राम्रो नतिजा ल्याएर फाइनलमा जानेछौं । हामी सम्पूर्ण नेपालीलाई खुसी बनाउने प्रयास गर्नेछौ ।'
भुटानविरुद्धको खेलमा किरणले नेपाली टोलीको कप्तानी गरेका थिए । किरणकै उत्कृष्ट प्रदर्शनमा नेपालले प्रतियोगितामा कम गोल खाएको छ ।
किरणको यो साफमा पहिलो सेमिफाइनलमा हो । किरणले साफको पहिलो सेमिफाइनल यादगार बनाउने समेत बताए ।
यस्तै गोलकिपर किरणले नेपाली समर्थकहरुले अहिलेसम्म टिमको हौशला बढाउन हर प्रयास गरिरहेको बताउदै माल्दिभ्सविरुद्ध हुने खेलमा समेत त्यहिँ समर्थनको आशा गरेको बताए ।
-1734879364.jpg)
-1734875597.jpg)
