भिल्ला रियलको सहज जित

एजेन्सी । स्पेनिस ला लिगा फुटबलमा भिल्ला रियलले सहज जित निकालेको छ ।

शुक्रबार राति भएको खेलमा भिल्लाले सेल्टा भिगोलाई ४-० गोल अन्तरले पराजित गरेको हो ।

सेल्टाको मैदानमा भिल्लाले पहिलो हाफमै चार गोल गरेको थियो ।

खेलको पाँचौं मिनेटमा जेरार्ड मोरेनोले गोल गर्दै भिल्लालाई सुरुवाती अग्रता दिलाएका थिए ।

खेलको १४ औं मिनेटमा मोइज गोमेजले गोल गर्दै टोलीलाई २-० को अग्रता दिलाए ।

१९ औं मिनेटमा डानियल पेरेजोले गोल गर्दा भिल्ला ३-० ले अघि रह्यो ।

त्यसपछि खेलको ३१ औं मिनेटमा फेर निनोले गोल गर्दै भिल्लालाई ४-० को जित दिलाए ।

जितसँगै भिल्ला लिगको तेस्रो स्थानमा उक्लिएको छ ।

भिल्लाले १८ खेलमा ३२ अंक जोडेको छ ।

सेल्टा २३ अंक जोडेर १८ औं स्थानमा रहेको छ ।