एट्लेटिको कोपा डेल रेबाट बाहिरियो

एजेन्सी । ला लिगाको लिडर एट्लेटिको मड्रिड कोपा डेल रे फुटबलबाट बाहिरिएको छ ।

बुधबार राति भएको दोस्रो चरणमा तेस्रो डिभिजन क्लब यूडी कोर्नेलासँग १-० ले पराजित हुँदै एट्लेटिको बाहिरिएको हो ।

घरेलु मैदानमा कोर्नेलालाई जित दिलाउन एड्रिन जेमिनेजले निर्णयक गोल गरे ।

खेलको सातौं मिनेटमा जेमिनेजले गोल गरेका थिए ।

यस्तै खेलको दोस्रो हाफमा एट्लेटिको मड्रिड १० खेलाडीमा सिमित भएको थियो ।

खेलको ६३ औं मिनेट एट्लेटिकोका रिचार्ड सान्चेजले दोहोरो पहेलो कार्डसहित रातो कार्ड पाएका थिए ।

यससँगै एट्लेटिको लगातार दोस्रो सिजन तेस्रो डिभिजन क्लबसँग पराजित भएको छ ।

गत सिजन पनि एट्लेटिको कल्चरल लियोनेसासँग पराजित भएको थियो ।