फाइनलमा नेपालसंग खेल्न चाहन्छौं - भारतीय प्रशिक्षक कन्सटेनटाईन

ढाका । भारतीय फुटबल टोलीका मुख्य प्रशिक्षक स्टेफेन कन्सटेनटाईनले साफ च्याम्पियनसिपको फाइनलमा नेपालसंग खेल्न चाहेको बताएका छन् ।

आइतबार माल्दिभ्सलाई हराएर समूह 'बि' को विजेता बनेपछि भारतीय प्रशिक्षक कन्सटेनटाईनले पोस्ट म्याच कन्फरेन्समा बोल्दै नेपालसंग फाइनलमा खेल्ने चाहना भएको बताए ।

कन्सटेनटाईन नेपाली राष्ट्रिय फुटबल टोलीका पुर्व प्रशिक्षक समेत हुन् । कन्सटेनटाईनले सन् १९९९ को सागको फाइनलमा बंगलादेशसंग १ - ० ले पराजित भएको दिनको समेत सम्झना गरे ।

कन्सटेनटाईनले भने, 'नेपालमा रहदाको दिनहरु अझै ताजा छ । बंगलादेशसंग १ - ० ले हारेको थियौं । बाल गोपालले राम्रो गरिरहेका छन् । फाइनलमा नेपालसंग खेल्न चाहन्छौं।'

कन्सटेनटाईन दुई बर्ष नेपाली फुटबल टोलीका मुख्य प्रशिक्षक भएर काम गरेका थिए । 

यस्तै कन्सटेनटाईनले माल्दिभ्सविरुद्धको खेल श्रीलंकासंगको खेल भन्दा उत्कृष्ट भएको बताए ।

'माल्दिभ्स रणनीतिक हिसाबमा निकै उत्कृष्ट थियो तर, हाम्रा युवा खेलाडीले उत्कृष्ट प्रदर्शन गरे,' कन्सटेनटाईलेभने ।