न्युकासलविरुद्ध लेष्टरको जित

एजेन्सी । इंग्लिस प्रिमियर लिग फुटबलमा लेष्टर सिटीले जित निकालेको छ ।

आइतबार राति भएको खेलमा लेष्टरले न्युकासल युनाईटेडविरुद्ध २-१ गोल अन्तरको जित निकालेको हो ।

न्युकासलको मैदानमा लेष्टरलाई जित दिलाउन जेम्स म्याडिसन र युरी टिलेमान्सले एक एक गोल गरे ।

न्युकासलका एन्डी कारोलले एक गोल फर्काए ।

पहिलो हाफ गोलरहित बराबरीमा सकिएको खेलको ५५ औं मिनेटमा म्याडिसनले गोल गर्दै लेष्टरलाई अग्रता दिलाएका थिए ।

खेलको ७२ औं मिनेटमा युरीले गोल गर्दै लेष्टरलाई २-० को अग्रता दिलाए ।

त्यसपछि खेलको ८२ औं मिनेटमा एन्डीले एक गोल फर्काएपनि लेष्टर २-१ ले विजयी भयो ।

जितसँगै लेष्टरले १७ खेलमा ३२ अंक जोडेको छ ।

लेष्टर तेस्रो स्थानमा रहेको छ ।

न्युकासल १९ अंक जोडेर १५ औं स्थानमा रहेको छ ।