काठमाडौं । स्कटल्याण्डका ब्याट्सम्यान काइल कोएट्जरले 'आईसीसी मेन्स एसोसियट प्लेयर अफ दी डिसेड'को अवार्ड प्राप्त गरेका छन् ।
उनले एकदिवसीयमा ४५ दशमलव ५४ को औसतमा २ हजार २ सय ७७ रन बनाएका छन् ।
आईसीसीले एसोसियटतर्फ 'मेन्स एसोसियट क्रिकेटर अफ द डिसेड' अवार्डकाे लागि नेपालका पारस खड्का सहित ६ खेलाडीलाई मनोनित गरेको थियो ।
जसमा स्कटल्याण्डका तीन खेलाडी थिए । कोएट्जर सहित स्कटल्याण्डबाट रिची बेरिङ्गटन र कालम म्याकलियोड रहेका थिए ।
यस्तै, नेपालका पारस खड्का, नेदरल्याण्डका पिटर बोरेन र पीएनजीका असद वाला अवार्डकाे मनोनयनमा थिए ।
आईसीसीले आईतबार औपचारिक रुपमा एसोसियटतर्फ 'प्लेयर अफ दी डिसेड'को रुपमा स्टकल्याण्डका खेलाडीलाई विजेता घोषित गरेको हो ।
