ढाका । अखिल नेपाल फुटबल संघ एन्फाले साफ च्याम्पियनसिपमा नेपाली टिमको समर्थनमा रंगशालासम्म पुग्ने सम्पुर्ण ढाकाली फुटबल प्रशंसकलाई धन्यवाद ज्ञापन गरेको छ ।
आईतबार एक प्रेस बिज्ञप्ती जारी गर्दै एन्फाले नेपाली टिमको समर्थनमा रंगशाला सम्म पुगेर समर्थन र हैसला प्रदान गर्ने सम्पुर्ण प्रशंसकप्रति आभार प्रकट गरेको हो ।
ढाकाली प्रसंशकको समर्थनले नेपाली टिमका खेलाडीलाई निकै ठुलो प्रेरणा र उत्साह मिलेको बताउदै एन्फाले समर्थकको साथ र सहयोगको अपेक्षा समेत गरेको छ ।
एन्फाका मिडिया अधिकृत युजल श्रेष्ठले ढाकामा बस्ने नेपाली र प्रशंसकको उपस्थितीले नेपाली टिममा उत्साह थपेको बताउदै एन्फाले आधिकारिक रुपमा सम्पुर्ण प्रशंसक र समर्थकमा आभार प्रकट गरेको बताए ।
बंगलादेशमा जारी साफ च्याम्पियनसिप अन्तर्गत समुह विजेताको रुपमा नेपाल सेमिफाईनल प्रवेश गरेको छ । नेपालले खेल्ने प्रत्येक खेलमा ढाकास्थित रंगशालामा नेपाल दर्शक र नेपाली फुटबल समर्थकको बाक्लो उपस्थिती रहने गरेको छ ।
एन्फाले सेमिफाईनलको खेलमा समेत नेपाली खेलाडीको समर्थनमा सम्पुर्ण फुटबल प्रशंसक र समर्थकको उपस्थितीको अपेक्षा राखेको छ ।
-1734879364.jpg)
-1734875597.jpg)
