साफ च्याम्पियनसिप : पहिलो हाफमा माल्दिभ्स र श्रीलंकाको बराबरी

ढाका । बंगलादेशमा जारी साफ च्याम्पियनसिप फुटबल अन्तर्गत माल्दिभ्स र श्रीलंकाबीचको खेलको पहिलो हाफ गोलरहित बराबरीमा सकिएको छ ।

बंगबन्धु रंगशालामा पाएको मौका सदुपयोग गर्न नसक्दा माल्दिभ्स र श्रीलंकाले पहिलो हाफमा बराबरी खेलेको हो । बल पोजिसनमा माल्दिभ्सले पकड जमाएपनि गोल गर्न सकेनन् ।

माल्दिभ्सको केहि उत्कृष्ट प्रहार श्रीलंकाका किपरले बचाऊ गरे । यस्तै श्रीलंकाले पहिलो हाफमा गोल गरेपनि अफसाइड हुँदा गोलले मान्यता पाएन ।

समूह बि मा रहेको माल्दिभको यो पहिलो खेल हो । श्रीलंकाको भने यो दोस्रो खेल हो । श्रीलंका यसअघि भारतसंग पराजित भएको थियो ।

आजको खेलमा दुवै टोली जितको खोजीमा मैदान उत्रिएका छन् ।