ढाका । बंगलादेशमा जारी साफ च्याम्पियनसिप फुटबलमा आज (शुक्रबार) एक खेल हुँदैछ ।
शुक्रबार समूह 'बि' मा रहेका उपाधि दाबेदार माल्दिभ्स र श्रीलंकाले प्रतिस्पर्धा गर्नेछन् ।
ढाकास्थित बंगबन्धु रंगशालामा माल्दिभ्स र श्रीलंकाबीचको खेल नेपाली समय अनुसार बेलुका पौने सात बजे सुरु हुनेछ ।
जारी साफमा माल्दिभ्सको यो पहिलो खेल हो । श्रीलंकाविरुद्ध मैदान उत्रदा माल्दिभ्स जितको खोजीमा हुनेछ ।
पहिलो खेलमा पराजय बेहोरेको श्रीलंका भने पहिलो जितको खोजीमा रहेको छ । पहिलो खेलमा श्रीलंका भारतसंग पराजित भएको थियो । माल्दिभ्सविरुद्धको खेल गुमाए श्रीलंका समूह चरणबाटै बाहिरिनेछ ।
यो समूहमा ३ अंक जोडेको साबिकको बिजेता भारत शीर्ष स्थानमा रहेको छ ।
-1734842793.webp)
