काठमाडौं । अखिल नेपाल फुटबल संघ (एन्फा) का अध्यक्ष कर्मा छिरिङ शेर्पा कोरोना भाईरसको संक्रमणबाट मुक्त भएका छन् ।
एन्फा अध्यक्ष शेर्पाले मंगलबार आफु कोरोना भाईरसबाट मुक्त भएको बताएका छन् ।
शेर्पाले सामाजिक संजाल फेसबुकबाट सोमबार गरिएको परिक्षणमा कोरोना नेगेटिभ आएको बताएका छन् ।
'हिजो भएको स्वाब परिक्षणको नतिजा नेगेटिभ देखाएकोले कोरोना मुक्त भएको छु । कोरोना संक्रमणको दौरानमा मेरो शिघ्र स्वस्थ्य लाभको कामना गर्नु हुने सबै शुभ चिन्तकहरुमा हृदय देखि धन्यवाद दिन चाहान्छु,' उनले फेसबुकमा लेखेका छन् ।
अध्यक्ष शेर्पा १९ दिनपछि कोरोनाबाट मुक्त भएका हुन् ।
एन्फा अध्यक्ष शेर्पालाई गत कात्तिक ६ गते कोरोना पुष्टि भएको थियो । कोरोना देखिएपछि उनी घरमै आइसोलेसनमा बसेका थिए ।
-1736609631.jpeg)
-1736605265.jpeg)
