बराबरीमा रोकियो इन्टर

एजेन्सी । इटालियन सिरी 'ए' फुटबलमा इन्टर मिलान बराबरीमा रोकिएको छ ।

शनिबार राति भएको खेलमा इन्टरले पर्मासँग २-२ गोलको बराबरी खेलेको हो ।

घरेलु मैदानमा दुई गोलले पछि परेको स्थिति उल्टाएर इन्टरले बराबरी खेलेको हो ।

खेलको ४६ औं मिनेटमा गेर्भिन्होले गोल गर्दै पर्मालाई अग्रता दिलाएका थिए ।

खेलको ६२ औं मिनेटमा गेर्भिन्होले व्यक्तिगत दोस्रो गोल गर्दै पर्मालाई २-० को अग्रता दिलाए ।

तर, ६४ औं मिनेटमा मार्सेलो ब्रोजोभिकले गोल गर्दै इन्टरलाई २-१ को स्थितिमा ल्याए ।

त्यसपछि खेलको इन्जुरी समयमा इभान पेरिसिचले गोल गर्दै खेल २-२ बराबरीमा ल्याउदै इन्टरलाई हारबाट जोगाए ।

बराबरीसँगै इन्टरले ६ खेलमा ११ अंक जोडेको छ । इन्टर तालिकाको पाँचौं स्थानमा रहेको छ ।

पाँच अंक जोडेको पर्मा १६ औं स्थानमा रहेको छ ।

अर्को खेलमा एटलान्टाले क्रोटोनलाई २-१ ले हराएको छ ।

बोलोग्नाले काग्लियारीलाई ३-२ ले हराएको छ ।