ढाका । साफ च्याम्पियनसिपमा आयोजक बंगलादेशले विजयी सुरुवात गरेको छ । मंगलबार भएको खेलमा बंगलादेशले भुटानलाई २ - ० ले हराएको हो ।
बंगबन्धु रगंशालामा बंगलादेशलाई जित दिलाउन टोपु बर्मान र रहमान सुफिलले एक एक गोल गरे । बंगलादेशले दुवै हाफमा एक एक गोल गरेको हो ।
पहिलो हाफको तेस्रो मिनेटमा बर्मानले पेनाल्टीमा गोल गर्दै बंगलादेशलाई सुरुवाती अग्रता दिलाए । त्यसपछि खेलको ४७ औं मिनेटमा सुफिलले गोल गर्दै बंगलादेशलाई २ - ० को जित दिलाए ।
जितसंगै बंगलादेशले ३ अंक जोडेको छ । र, सेमिफाइनलमा पुग्ने सम्भावना बलियो बनाएको छ ।
अब बंगलादेशले पाकिस्तान र नेपालसंग खेल्ने छ ।
च्याम्पियनसिपमा नेपाल र भुटानले भने हारबाट सुरुवात गरेको छ ।
