साफ च्याम्पियनसिप : सुमनले डेब्यु गर्दै, स्ट्राइकरमा नवयुग र भरत, नेपालको सुरुवाती ११ कस्तो छ ?

काठमाडौं । बंगलादेशको ढाकामा आज (मंगलबार) बाट १२ औं संस्करणको साफ च्याम्पियनसिप (सुजुकी कप) सुरु हुँदैछ ।

ढाकास्थित बंगबन्धु स्टेडियममा नेपालले पहिलो खेलमा पाकिस्तानविरुद्ध खेल्दै प्रतियोगिताको सुरुवात गर्दैछ ।

पाकिस्तानविरुद्ध मैदान उत्रने नेपालको प्लेईङ - ११ आएको छ ।

मुख्य प्रशिक्षक बाल गोपाल महर्जनले नेपाली टोलीलाई ४-४-२ को ढाँचामा खेलाडी मैदान उतार्ने छन् ।

पाकिस्तानविरुद्ध खेलमा एक नेपाली खेलाडीले डेब्यु गर्ने भएका छन् । डिफेन्डर सुमन अर्यालले नेपाली टोलीमा डेब्यु गर्नेछन् ।

प्रशिक्षक महर्जनले मिडफिल्डर रोहित चन्दलाई बक्स टु बक्सको भूमिका दिएका छन् । जसले डिफेन्स र मिडफिल्डमा निकै राम्रो भूमिका निभाउने छन् ।

 हेर्नुस नेपालको  प्लेईङ ११ -

गोलकिपर : किरण चेम्जोङ

डिफेन्डर : विराज महर्जन, अनन्त तामाङ, आदित्य चौधरी, सुमन अर्याल

मिडफिल्डर : रोहित चन्द, बिमल घर्ति मगर, सुजल श्रेष्ठ, अन्जन बिष्ट

फरवार्ड : नवयुग श्रेष्ठ, भरत खवास