एजेन्सी । नेपाली राष्ट्रिय टोलीका लेग स्पिनर सन्दीप लामिछाने आबद्द टिम दिल्ली क्यापिटल्सले अष्ट्रेलियाका बलिङ अलराउण्डर ड्यानियल साम्सलाई अनुबन्ध गरेको छ ।
दिल्लीले बिहीबार इन्डियन प्रिमियर लिग (आईपीएल) का लागि ड्यानियललाई अनुबन्ध गरेको जनाएको छ ।
दिल्लीले इंग्ल्यान्डका ब्याट्सम्यान जेसन रोयको स्थानमा ड्यानियललाई अनुबन्ध गरिएको जनाएको छ ।
ब्याट्सम्यान रोयले चोटको कारण आईपीएल गुमाउने छन् । रोयले पाकिस्तानसँगको टी-ट्वान्टी सिरिज अघि अभ्यासको दौरान चोट बोकेका थिए ।
रोयले तीन खेलको सिरिज समेत गुमाउने छन् ।
२७ वर्षीय ड्यानियलले गत सिजन बिग बास लिगमा उत्कृष्ट खेलेका थिए । ड्यानियलले सिड्नी थन्डरबाट खेलेका थिए ।
आईपीएलको यस संस्करण युएईमा हुँदैछ । आईपीएल सेप्टेम्बर १९ देखि नोभेम्बर १० सम्म हुने तालिका रहेको छ ।
दिल्लीको टिम दुबई पुगिसकेको छ । ड्यानियलले टिमसँग दुबईमै भेट्ने छन् ।
-1736559847.jpg)
