एजेन्सी । इंग्ल्यान्डका अलराउण्डर बेन स्टोक्सले पाकिस्तानविरुद्धको टेस्ट सिरिज अन्तर्गत बाँकी दुई खेल गुमाउने भएका छन् ।
पारिवारिक कारण स्टोक्सले सिरिजको बाँकी दुई खेल नखेल्ने अन्तर्राष्ट्रिय क्रिकेट परिषद (आईसीसी) ले जनाएको छ ।
यसै साता परिवारसँग न्युजिल्यान्ड जानुपर्ने भएको कारण स्टोक्सले सिरिजको बाँकी खेल गुमाउने बताईएको छ ।
न्युजिल्यान्ड स्टोक्सको पुर्ख्यौली घर समेत हो ।
इंग्ल्यान्डले घरेलु मैदानमा पाकिस्तानसँग तीन खेलको सिरिज खेलिरहेको छ ।
पहिलो टेस्टमा इंग्ल्यान्डले पाकिस्तानलाई ३ विकेटले पराजित गरेको थियो ।
दुई टोलीबीचको दोस्रो टेस्ट बिहीबार साउथह्याम्पटनमा सुरु हुनेछ ।
