एजेन्सी । श्रीलंका क्रिकेट बोर्डका उपाध्यक्षमा डा. जयन्था धर्मदासा नियुक्त भएका छन् ।
बोर्डको उपाध्यक्ष पदबाट के माथिभाननले राजीनामा दिएसंगै धर्मदासलाई सो पदमा नियुक्त गरिएको हो ।
'आकस्मिक बसेको कार्यकारी समितिको बैठकले माथिभाननको राजीनामा स्वीकार गर्दै यस पदमा विधान अनुसार पदपूर्ति गरिएको छ ।’ बोर्डले जारी गरेको विज्ञप्तिमा भनेको छ, ’समितिको बैठकले डा. जयन्था धर्मदासालाई यस पदमा नियुक्त गर्ने निर्णय गरेको छ ।’
यसअघि माथिभाननले बोर्डप्रति असन्तुष्टि जनाउंदै राजीनामा दिएका थिए ।
'कार्यकारी समिति होस या व्यवस्थापन समिति, दुवै बैठकमा मेरो रायलाई मध्यनजर गरिएन वा ध्यान दिईएन ।’ राजीनामा पत्रमा उनले लेखेका छन्, 'हाल बोर्डले पारदर्शीता र निष्ठा बिना काम गर्दै आएको छ ।’
यस्तै, उनले बैठक बिना गरिएका निर्णयको आफुले बिरोध गर्दै आएको बताएका छन् । उनले लापरबाही तरिकाले सञ्चालन गरिएको कार्यसमितिमा आफु बस्न नसक्ने भन्दै राजीनामा दिएको पत्रमा लेखेका छन् ।
