एजेन्सी । इंग्ल्यान्डका फास्ट बलर स्टुवार्ट ब्रोडले करियरको ५०० टेस्ट विकेट पुरा गरेका छन् ।
घरेलु मैदानमा वेष्ट इन्डिजसँगको तेस्रो तथा अन्तिम टेस्ट अन्तर्गत मंगलबार एक विकेट लिँदै ब्रोडले उक्त उपलब्धि पुरा गरेका हुन् ।
ब्रोड यो उपलब्धि हासिल गर्ने सातौं बलर हुन् ।
उनले क्रेग ब्रेथवेटको विकेट लिँदै ५०० विकेटको कोसेढुंगा पार गरेका हुन् ।
उनी यस उपलब्धि हात पार्ने इंग्ल्यान्डका दोस्रो बलर हुन् । यसअघि जेम्स एन्डरसनले यस उपलब्धि हात पारेका थिए ।
संयोग एन्डरसनले समेत वेष्ट इन्डिजका क्रेग ब्रेथवेटको विकेट लिदै यस उपलब्धि हात पारेका थिए ।
