एजेन्सी । भारतीय क्रिकेट टिमका कप्तान विराट कोहली सामाजिक संजाल इन्स्टाग्राममा सर्वाधिक फलोवर्स हुने चौंथो खेलाडी बनेका छन् ।
कोहली अमेरिकन बास्केटबलका लिजेण्ड लेब्रोन जेम्सलाई पछि पार्दै सर्वाधिक फलोवर्सको चौंथो स्थानमा उक्लिएका हुन् ।
ब्याट्सम्यान कोहलीको इन्स्टाग्राममा ७०.२ मिलियन फलोवर्स रहेका छन् । जेम्सको ६९ मिलियन रहेको छ ।
कोहली भन्दा अघि फुटबलका स्टार क्रिस्टियानो रोनाल्डो, लियोनल मेस्सी र नेयमार रहेका छन् ।
इन्स्टाग्राममा सर्वाधिक बढी फलोवर्स हुने खेलाडी रोनाल्डो हुन् । उनको २३२ मिलियन फलोवर्स रहेका छन् ।
यस्तै दोस्रो स्थानमा रहेको मेस्सीको १६१ मिलियन र तेस्रो स्थानको नेयमारको १४० मिलियन फलोवर्स रहेको छ ।
