एजेन्सी । क्रिकेट नामिबियाले आईसीसी डेभलपमेन्ट अवार्ड अन्तर्गतको एसोसियट मेम्बर मेन्स पर्फमेन्स अफ दि इयर अवार्ड जितेको छ ।
अन्तर्राष्ट्रिय क्रिकेट परिषद (आईसीसी) ले सोमबार सार्वजनिक गरेको अवार्डमा नामिबियाले पुरुषतर्फ पर्फमेन्स अफ दि इयर अवार्ड जितेको हो ।
महिलातर्फको एसोसियट मेम्बर वुमन्स पर्फमेन्स अफ दि इयर अवार्ड थाइल्याण्ड क्रिकेट एसोसियसनले जितेको छ । थाइल्याण्डले यसै वर्ष टी-ट्वान्टी महिला विश्वकप खेलेको थियो ।
पुरुषको पार्टिसिपेसन प्रोग्राम अफ दि इयर अवार्ड पीएनजीले जितेको छ । महिलातर्फ रुवान्डा क्रिकेट यस अवार्ड जित्यो ।
क्रिकेट फर गुड इनिसियटिभ अवार्ड जापान क्रिकेटले जित्दा डिजिटल इन्गेजमेन्ट अवार्ड फिनल्याण्डले जितेको छ ।
यस्तै क्षेत्रियको पुरुषतर्फ एसियाको मलेसिया, अफ्रिकाको बोत्स्वाना, अमेरिकाको ब्राजिल र युरोपको नेदरल्यान्ड्सले पार्टिसिपेसन प्रोग्राम अफ दि इयर अवार्ड जितेका छन्।
महिलातर्फ एसियाको भुटान, अमेरिकाको चिली, एसिया प्यासफिकको इन्डोनेसिया र युरोपको स्कटल्याण्डले पार्टिसिपेसन प्रोग्राम अफ दि इयर अवार्ड पाएका छन् ।
