एजेन्सी । घरेलु टिम इंग्ल्यान्ड र पाकिस्तानबीचको टेष्ट अगष्ट पहिलो साताबाट सुरु हुने भएको छ ।
इंग्ल्याण्ड एण्ड वेल्स क्रिकेट बोर्डले सोमबार पाकिस्तानसँगको पहिलो टेष्ट अगष्ट ५ मा सुरु हुने जनाएको छ ।
पहिलो टेष्ट ओल्ड ट्राफोर्डमा हुने बोर्डले जनाएको छ । बाँकी दुई टेष्ट साउथह्याम्पटनमा हुनेछ । खेल बन्द रंगशालामा हुनेछ ।
घरेलु टिमसँग तीन टेष्ट र टी-ट्वान्टी सिरिज खेल्नका लागि पाकिस्तानी टिम इंग्ल्यान्ड पुगिसकेको छ ।
दुई टोलीबीचको टी-ट्वान्टी अगष्ट अन्तिमबाट सेप्टेम्बरसम्म हुनेछ ।
पाकिस्तानसँग खेल्नु अघि इंग्ल्यान्डले आयरल्याण्डसँग तीन दिवसीय खेल खेल्नेछ । उक्त खेल जुलाई ३० मा सुरु हुनेछ ।
यस्तै इंग्ल्यान्डले बुधबारबाट वेष्ट इन्डिजसँग टेष्ट सिरिज खेल्दैछ ।
-1736483840.jpg)
