एजेन्सी । इंग्ल्यान्ड भ्रमणमा रहेका पाकिस्तानी क्रिकेट टिमको कोरोना रिपोर्ट नेगेटिभ आएको छ ।
इंग्ल्यान्ड पुगेपछि गरिएको परिक्षणमा खेलाडी तथा अफिसियलको कोरोना रिपोर्ट नेगेटिभ आएको हो ।
घरेलु टिमसँग टेष्ट र टी-ट्वान्टी सिरिज खेल्नका लागि पाकिस्तानी टिम आइतबार इंग्ल्यान्ड पुगेको थियो ।
त्यसपछि इंग्ल्याण्ड एण्ड वेल्स क्रिकेट बोर्डले भ्रमणमा आएको पाकिस्तानी टिमको कोरोना परिक्षण गराएको थियो ।
यस अघि भ्रमणको तयारी गरिरहदा पाकिस्तानी टिमका खेलाडीलाई कोरोना संक्रमण देखिएको थियो ।
पाकिस्तानले इंग्ल्यान्डसँग ३ खेलको टेष्ट र टी-ट्वान्टी सिरिज खेल्नेछ । खेल बन्द स्टेडियममा हुनेछ ।
पाकिस्तान अजहर अलीको कप्तानीमा इंग्ल्यान्ड भ्रमणमा निस्किएको हो ।
दुई टोलीबीचको सिरिज जुलाई ३० मा सुरु हुनेछ । टी-ट्वान्टी सिरिज अगष्ट २९ देखि २ सेप्टेम्बरसम्म हुनेछ ।
-1736475046.jpg)
