भ्यालेन्सियाद्वारा मुख्य प्रशिक्षक बर्खास्त

एजेन्सी । स्पेनिस क्लब भ्यालेन्सियाले मुख्य प्रशिक्षक अल्बर्ट सेलाडेसलाई बर्खास्त गरेको छ ।

भ्यालेन्सियाले प्रशिक्षक अल्बर्टलाई ९ महिना नबित्दै बर्खास्त गरेको हो ।

क्लबले अल्बर्टलाई बर्खास्त गरेर भारो गोन्जालेजलाई सिजनको अन्त्यसम्मका लागि क्लब हेर्ने जिम्मेवारी दिएको छ ।

भ्यालेन्सियाले गत सेप्टेम्बरमा अल्बर्टलाई मुख्य प्रशिक्षकको जिम्मेवारी दिएको थियो ।

अल्सबर्न्ट २०१४ पछि भ्यालेन्सियाले बर्खास्त गरेको छैटौं प्रशिक्षक हुन् ।

क्लबको खराब प्रदर्शन जारी रहेपछि उनी बर्खास्तमा परेका हुन् ।

यस सिजन भ्यालेन्सिया ला लिगाको आठौं स्थानमा रहेको छ ।

यस्तै क्लबका स्पोर्टीङ डिरेक्टर सेजर सान्चेजले राजीनामा दिएका छन् ।